وطني مسـروق..دستوري مسـلوق

وطني مسـروق..دستوري مسـلوق
شعر:سامح عسكر

وطني مسـروق..دستوري مسـلوق
ياشعب قوم وفوق..
طول عمرك مغلوب
من أشكال يادوب...مهـيسيـن
فالحين في السياسة..والا مش فالحين؟
والله ما هم فالحين.. إلا ف عجين الطين!
يعملوا اللي عاوزينه..من غير مشورة
انتوا فاكرينا فين..ف ماتش كورة؟!
احنا ف دولة..مش في عزبة أبوكو
عقلكوا ما يسعش..إلا نفسيكو
خُلقكم ضيق وتكدبوا الكدبة وتصدقوها
الأخلاق في دماغكم ياما كلتوها
باسم الدين
عارفين؟
عارفين اللي زيكوا كانوا إيه في التاريخ؟
والا انتوا حاطين في بطنكوا بطيخ؟
أبشروا بفشل فوق فشل
لكن الشعب أحسن منكوا
هايتعاون معاكوا لمصلحته
وهو عارف إنكوا هاتبيعوه في أقرب تِكية
سواء لقطر أو السعودية
والا للإسرائيلي والأمريكية
والا للشَريف والغانية
في النهاية إنتوا فاشلين
أيوة فاشلين عارفين ليه؟
لأنكوا مهما انتصرتوا فانتصاركم هو انتصار سُلطة
مفيش فرق بينكم وبين مبارك في السُلطة
هو فاسد وانتوا فاسدين
ونهايتكم هاتكون زي نهايته يافاشلين