شبكة واحة العلوم الثقافية
أسعدتنا زيارتك و أضاءت الدنيا بوجودك

أهلا بك فى شبكة واحة العلوم الثقافية

يسعدنا تواجدك معنا يدا بيد و قلبا بقلب

لنسبح معا فى سماء الإبداع

ننتظر دخولك الآن

موسوعة أشعار صلاح جاهين

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:17 am

قصيده

فى يوم من الأيام، راح اكتب قصيدة،
عن السما، عن ورده على راس نهد،
عن قطتى، عن الكمنجة الشريدة،
عن نخلتين فوق فى العلالى السعيدة،
عن عيش بيتفتفت فى أوده بعيده،
عن مروحه م الورق،
عن بنت فايره من بنات الزنج،
عن السفنج،
عن العنب، عن الهدوم الجديدة،
عن حدايات شبرا، عن الشطرنج،
عن كوبرى للمشنقة،
عن برطمان أقراص منومة،
عن مهر واثب من على سور حديد
وف بطنه داخله الحديده،
عن طفل بقميص نوم،
عن قوس قزح بعد الصلا فى العيد،
عن طرطشات البحر …ح اكتب يوم،
ح اكتب قصيده،
ح اكتبها، وان ماكتبتهاش انا حر …
الطير ما هواش ملزوم بالزقزقة





صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:18 am

باليه

وبـنـت أم أنـور، بـترقص بـاليــه
بحـيـرة البـجـع،
سـلام يـا جــدع
سـلام ع الايـديـن اللى بتـقـول كـلام،
سـلام ع السيقان اللى مشـدودة زى الوتر،
سـلام ع القوام اللى مليان دلع مش حرام،
حلال، زى نور القمر
سلام ع الخطاوى اللى بتمر ع الكون تداوى،
سـلام ع الغـناوى،
ســلام ع الـنـسـيـم فـى الـشـجـر
.. وبـنـت أم أنور، بتضرب بساقها الفضا،
وبـتـشـب، وتـلب، وتنط نـطة غضب،
ونــطـة رضـا،
وبتـقـول بلغـوة إيديها: اللى فات انقـضى
.. حقـيقى، مضـى.
كات امك يابنــتى،
فـى أزجـال معلـمـنا بيـرم عليه السلام،
مـاتعرفـش تركب سـوارس تروح الامام،
وتمـشى .. تـقـع




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:18 am

بحرى


آخـر النـهـار هفهفت نسمه على الميه
بـعـودا لـيام على الجـدعان وعلــيا
يا صيادين القاروص صيد القاروص غِيَّة
رمـى الشـبك ع السـمك يلزم له خِفِّية

طـرحت طرحـة لقيت فى الطرحة جنية
حـلت شعـورها وعقـدتهم عـلى عينيا
ونـزِّلـتنى الـقرار صرخ الشـبار فيا
إرمـى الشـبك ع السـمك يا واد بحنيه

لادق ع البـاب واقـول للحـلو يا جارى
رمـى الشـبك صنعتى والصبر دا كارى
أصـبر على الرزق لما تمـتلى بحـارى
وأصـبرعـلى العـشق لـما تنطفى نارى

يـا مـيت ندامة على اللى البحر ما ادّاله
مفـتوح علـيه الحَنَك والكـف ما دّالـه
عَـدى الشطوط والخطوط اللنش عَدى له
غـفر السـواحل يـا صاحـبى مستعداله

أنا مذهبى الصبر واصبر حتى على تارى
واطـعم شـباكـى وصـنارى بصبارى
أنا أعوم على الصبر لما أوصل لأوطارى
والصـبر دا مـركبى والقـلع والصارى

أكتوبر 1954




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:19 am

فنان


فاخر محمد فاخر.
فنان: ممثل.
السن: خمسين .
راجل بسيط. اسمر.
فى خارج التمثيل: خفيض الصوت.
فى ايده دبلة جواز.
يقولو له يخلعها "عشان الشغل".
ما بتتخلعش.
صباعه أصله مرة كان انكسر.
هو اللى قال لى.
وكان يقولى لى حاجات كتير.
واللى ما كانش يقوله كنت اعرفه.
أشوفه مرسوم.
"محلا الحياة حتى ولو فتافيت".
"محلا الحياة ولو فى أواخرها".
"أنا باحب الضحك".
"باعرف أخلى الخلق تبكى صبيب".
"عيونى سهيانة لكن لها فعل"
"الكشافات دى بنت كلب.
كانت ح تعمينى".
"أنا هه. أهه. مش مريض.
جيت فى الميعاد".
"مين اللى واقف ده ورا الديكورات؟
ده الموت؟ ده جى لمين هنا؟
لحد تانى.
مسكين. ما بيدبقش فى العافية.
لكين خلاص دوره".
"كان دور صغير . بس كان دور جميل".
"امتى العمل ينتهى؟"
"عاوز أنام لى قد كام ساعة"
"الليل ده زى عطيل"
"وكل شىء ديدمونة"
"عاوز أنام حبه"
"اتنين صباحا ياه"
"اتنين صباحا".

أبكى عليه؟ والا على روحى
والا على بلدى؟
فاخر محمد فاخر.
من غير قوافى كتبت فيه مرثاه
اكمنة مات مش زى كل الناس




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:20 am

فى الربيع

الربيع جاى السنادى شكل تانى،
خضرته نجوم وحدويه.
عصافيره نسور صلاح الدين قويه،
ورده دم احمر ملهلب،
والأغانى
صرخات الجماهير الثوروية،
الربيع ذات نفسه ثورة،
ثورة ع الموت والخمود،
الربيع فى دمشق كان حالف يعود،
شق فى الجلمود وعاد،
زى ما ف بغداد نبع وسط الشتا ..
يا حلاوه ع الربيع وسط الرمال ..
الرمال غطت على القدس ليالى طوال طوال،
ألف ليله.
إلا ليله .. ودوام الحال محال.
نغبشت فى الرمل زهرة،
رفعت راسها بحذر، تحت الرياح، متلفته
الربيع ادّالها قوة فى المعافره،
فَرَّعت، واتمطّعت ..
الرمال اتعتعت،
والرياح اتزعزعت،
والصخور اتقلعت،
والوحوش اتفزعت،
والقلوب السوداويه اتخلعت،
ركعت تحت الجزم واتضعضعت …
والريات اترفعت،
والحناجر لعلعت،
والسيقان الشابه فى الرقص المزلزل بَدَّعِت،
والبنادق طرقعت،
كل بلدانك يا أردن وَلَّعَت،
كلها سمعت، وعت، قالت آمين ..

يا سلام …
الربيع، حتى فى قلب معسكرات اللاجئين.
مش باقول لكم، الربيع ده شكل تانى؟! ..




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:21 am

فاطمة

المـكـن دايــر بـيـطـبـع ليــل نهـار
ليـل نـهـار دايــر بـيـطـبـع المـكـن
مـن سـنـيـن تـلاتـيــن وخـمـســه
الــمـكــن مــا سكــتش همـســـه
إمتى ماتت فاطمه آل يوسف وكم فات من زمـن
قـــالـــوا مـــن ســنـتـيــــن
ضــحــكـــت وقـــلــــــت لأ
اللـــى بــيـمــوت قلـــبه يســكت
ولا نــسـمــعـلــــهـش دق
بــس دى لــســه بـيـنـبـض قـلبـها
قـلـبـهـا بـيـنـبض بيـنبض لـيل نـهار




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:21 am

كلام إلى يوسف حلمى

الأستاذ يوسف حلمى ..!
أهلا عمى ..
لأ مش م البيت، أنا باتكلم م الشارع.
حلوه، على رأيك، ما هو بيتنا الشارع ..
كنت فى سهرة وراجع،
قلت اتكلم، واهو من حظى لقيتك،
مع ان – تصور ؟ -
وانا بانقل أرقام تليفون، من نوتة لنوتة،
جيت عندك، قام شىء ملعون قال: لأ ، ما خلاص ..
ومشيت سطرين
والتالت قلت: لا يمكن يوسف حلمى خلاص ..
ورجعت كتبت الاسم، ما خلّصنيش،
شوف الاخلاص ..
كانت سهرة جميلة ..
ايوه .. الشله اياها .. تسلم وتعيش ..
كانت وحياة النبى عايزاك ..
غنينا يا سيدى حاجات سيد درويش ..
معلهش .. ما هو انت برضه كنت هناك ..
انت تمللى معانا، وحوالينا، وبيننا،
موت مين ده يابو حجاج اللى يخبيك منا؟!..
يعنى كان خبا الشيخ سيد؟.. ما هو زى الجن،
ولا لحظة بيهمد ولا بيوِّن
فى المسرح، فى المصنع، فى الغيط، فى المدرسة،
فى السجن
ده وتر مشدود يابا،
لمسوه من كام ألف سنة، ولساه بيزن،
وكلام بيرن رنة،
رنة طويلة طويلة، بتضحك وتئن،
من قلب ربابة النيل على قلبه على قلبك على قلبى
على قلب الشمس الشموسة اللى الليلة قعدت جنبى .
- أيوه. كان فينا الليلة جماعة جداد ..
انضمت فوجه جديده، بنات وولاد.
طبعاً .. زى المعتاد،
صاحيين .. صاحيين .. صاحيين .. صاحيين .
قلنا يا سيدى – فضلة خيرك – "ماتفوقوا يا
مصريين"
و "الحلوة دى قامت" ، و "السيّاس" ..
قلنا "بلادى بلادى" ..
تعرف؟ حسيت احساس ..
ان الشخص البلطجى ده اللى اسمه الموت
عاجز، قدام الناس ..
قلنا "يا هادى يا هادى".
البنت قالت لى: عرفت منين الغنوا دى؟..
قدمتك ليها، وسبتك واقف وياها ..
سبتك واقف بتكلمها، وتعلمها، وترعاها،
ما هو كله كلام …
أنا باتكلم م الشارع ،
والشارع فيه جامع،
والجامع مبنى بقى له ميات م الأعوام
انما شبابيكه كلام ، وبيبانه كلام ،
وعرايس أفريزه كلام ، وحيطانه …
والمعمارجى اللى بناه واقف قدامى، وبيكلمنى،
بيمد لى ايده، بياخد كبريت منى،
بيولع، وبيضرب لى سلام …
يا سلام ..
موت مين ده يا يوسف حلمى اللى يحوشك عنى؟..
تصبح على خير







صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:22 am

قصاقيص ورق

منين أجيب مقص مجنون زيى ـ بس نص نص
واجيـب ورق وافـضل أقـص أقـص أقـص
أفضـل أقصـقـص ورد مـن عـلى كل لون
لحـد مـا اعـمـل عنـدى حبه كتير كتـير،
واركب لى نسمه، واطير اطير،
واحـفن وادردب ع الـبـلاد،
مطر غزير،
ينـزل يرخ يرخ، على قرعة بنات أخت البشر
يتسبـسـبوا، ويتـشـيكـوا،
ويبـقوا لابسـين ـ لا مـؤاخـذه ـ طراطير.
ويا سـلام ..
لو كـان كمـان معايا وقتـيها قلم كوبيا، طويل
طويل طويل،
أبـله مـن قلـبى، اللـى عـرقـان م السـفر
واكـتب بـه وانـا طايـر، علـى خد القمر ..
أنـا باحـبك يا جمـيـل


قـصـــاقـيص ورق ..
لكـن مطـر
يـرخ، جـامـد، قـد مـا يـحـبـوا الولاد،
يادوب كـده،
مـقـدار مـايـجــروا، ويــمـسـكــوا
مطر!.. خطر!
يـنـزل عـلى كتـاف العجـايز!.. يضحـكوا
يشبك فى سـلك التلـفون
هنا، وهنا، وهنا، وهـنا،
على كل لـون،
واللى ف جنـازته فى التابوت، يفوت، يبـص
يلاقى عـالم، كـله كله كله زينـة عيد ميلاد،
ويبقى فصل، لكين مفيش بالشكل ده!
لابـد مـن عيـد المـيلاد
أنا عيد ميلادى مالوش معاد،
فين الورق، والنسمة، والمقص، والقلم يا واد ...

والا بلاش، ده مفيـش أمـل!
أعياد كتير بيبتدوا، وبيفرغوا،
وبيفضل العالم كده،
مكبـوس، ودمه تقـيل تقـيل ...
يا ربنا،
يا اللى خلـقت لنا الأيـادى، للـهزار، وللعمل
ادينى قوة ألف مليون إيد،
عشــان
ازغزغه




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:22 am

ميلاد


بعدت ولادتى فى الزمـن تلاتـين سنـه
صبحت تاريخ زى السيوف والسقايـين
زى الشـراكـسة والشـموع والسلطنـه
زى الخيول .. ضاعت سنينى فى السنين

القاهـرة، والألـف مـدنـة شمـعـدان
آدم عريـس فى بولاق وحوا فى الحريم
القاهـرة، والنـاس فى كهف الليل ديدان
آدم وحـوا بـيـقروا توفـيق الحكـيـم

غنـالـها بشـرف كـرد غنت له عجم
رديـت أنـا مـن فوق بجواب الجواب
وخـرجـت كـالعنقـود من كرم العدم
قطرة حيـاه محلوبة من ضرع السحاب

آدم وحـوا شقَّـطـونـى فـى الـهـوا
زى المـخـدة الريش ولعبوا فى السرير
صرخت ضموا الصرخة بالحضنين سوا
ونعـست نمـت سعيد فى المهد الحرير

جـدى رفـع يـدى بطرطوفـة البـنان
ضحكت شواربه وكرمشت اركان عينيه
مولـود ذكر ينشـال على كفوف الحنان
محـروس مـن الله والملايـكة حـواليه
يـا هلتـرى الطـفل اللـى نايم يبتـسم
من خلـف جدران فى العدد تلاتين سنه
هـو الحـزيـن .. هو البديـن الملتحم
هو أنا يا رب؟
والا مش أنـا




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:23 am

مرحب


باكـلم الناس كلهم، من هنا ..
وباقول لهم، وللحياة: مرحب.
ودى كلـمـة يامـا اصعـبها، ياما اصـعب،
لو تنـطـلق من هـنا،
م الصدر، من ع الشمال،
مـن قـلـب شـال أحـمـال مهيش هيِّـنة..
يا قـوة الله ..
أحمال جبال فى جبال، يا ولداه.

أحمال جبال، كوابيس على قلبى.
مولود بها؟ .. والا رمانى البين؟..
أعرف منين!
جانى حكـيم واتنـين يا صاحبى
جـانـى حـكـيـم واتـنـيـن.
حكـيــم يـقـول: ده الـهــم.
وحـكـيـم يـقـول: يـا عـم،
دى خـلـقه ووراثه عن الوالدين.
ومنين أزيـح ده كله عن قلـبـى..
قالوا: اللى مكتوب ع الجبين، لازم تشوفه العين!


جبين وعين مين بس يا جدعان؟..
مفيش إيدين للجان، عشان تكتب،
مفيش إيدين، غير بس للإنسـان.
هو اللى وياه القلم،
يكتـب به ويمللى.
ومفيـش جبـين مكتوب عليه طلسم، ولا قسم،
اتخط واترسم.
ومفيش قدر ع الخلق متـولى …
قلبى اللى شال أحمال جبال ابتسم،
وقال: زيـادة عـلاده يا خـللى،
مكتوب على جبين الزمان كلمه،
كتبها إيد إنسان:
"أسوان".


"أسوان" أيا "أسوان".
"أسوان" يا أم السـد،
جيت لك وأنا أسيـان،
وأسـايـا مالـه حد..
جيـت لـك حـزين، وجـريت على المطرح،
مطرح ما باجى كل عام، أفـرح،
بالسـد زى الــورد بيـفـتـح،
وســط الـعـرق والـجــد،
وسط الغبار، والبرق، والديناميت،
والانفجار، والرعد، والجرانـيت
نازل كتـل كتـل كتـل، حتاحيت
والكراكات جنب الجبل، كتاكيـت،
بينقروا الفتافيت.
أعـوذ بـالله م الكابـوس المقـيت
حسـيت كإنى قمت من تحت الركـام، وحييت،
وبالأسـى بيـنـزاح عن قلـبى،
والكباشات بتناطح الجلاميد وبتعبى..
حسيت بإنى عليت
على كـل أحزانى،
مـع كـل مدمـاك بترفـع فى السد، والتـانى،
وطلقت شعرى، ويا صفارة العمل .. زغاريت!

مسنود على صدرك يا "أسوان" أنا ..
وباكـلـم النـاس، كـلهم، من هنا ..
وباقـول لهـم، وللحـياة، مرحـب




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:23 am

أهل الهوى



(1)



اللحم طين والعروق دود من ديـدان الطـين

آدم وحــوا عـلى أرض العـدم حاطّـين
عاقـبـهم الرب .. أخـرجـهم من الجـنه
آدم عـمل حـضن حــوا جنـته وغـنى

الـناس بتـتـهنى مهـما يكـونوا منحطين


(2)



الولـف لـو شـاف وليفته ورا الجبل هدمه

يـا مـيت ندامـه عـلى جبلين واصطدموا
اتـهد منهم جـبل اسـمه هابـيل وانهـار
قابـيل أخـوه اللى قاتله سكب دموع أنهـار

واللى افتـتن بالنـهار … باللـيل يا ندمـه


(3)



مِرات عزيز مصر شابه وجوزها راجل كهل

يـوسـف حلـيـوه فلسطيـنى عديم الأهل
فـؤادها قاد نـار وصار تحت النهود لاعب
تـهـبش فـى يوسـف وتـترجاه وتداعب

والعـقل صـاعب لكين خلق المتاعب سهل


(4)



وفـى التـاريخ كليـوباتـره الأسـمرانـيه

كـانت غـرامـها غـرام اسكـنـدرانـيه
غـرام عنـيف لـه حفيف تعبان ولسعه نار
من عشـقها لحسـنها خـافت عليه يحـتار

واخـتـارت الانـتـحـار … المعجبانـيه


(5)



من بـرق سـيف الجدع .. يطلع صباح أمله

عنـتر معنـتر لكـين مسـكين أبـوه همله
بسيـفه قَـدِّف فـى بـحر الـدم عَدّاه عوم
ولـجل عبـلة وقُبـلة منـها .. سـاد القوم

والحُـر لـه يـوم يـدوق الشـهد من عمله


(6)



عالم من الهـمس من غير أمس من غير غد

الشمس ليـلى .. القمر ليلى .. السؤال والرد
ليـلى .. ومجنونها قيس هايـم يقول ليـلى
دى مهـما كـانت لغـيرى وقسـمتى مايله

الروح مـادام طـايـله .. مايهمش تنول اليد


(7)



عنـتر مـن الغـرب، أسمر يندهوله عطيل

كلل عـلى ديـدمونه وشالها فى عينيه شيل
بـياض عيـونـه لـمع من ضّى حـلاوتها
أولاد حـرام غـيروه بالغـيـره مَوِّتـهـا

والغـيـرة غشـوتها ما تفرق نهار من ليل


(8)



كـل الأحبة عـلى حـبال الـهوى طـالعه

فـاكـرين نجـوم السما شبابيك غرام والعه
أنـظر لروميو الجرىء طالع يشوف جوليت
تعـرف بـإن الغـرام يكـره بيـبان البيت

وإن كـنت حبـيت مـا تـهزم قلـبك القلعه


(9)



الريـح تـباريح جـريح ما ينتـهيله أنـين

حـسن قتـيل من سنين ونعيمه فى المجانين
عـلى كـل ملقـف هـوا تسـتنى تستـنى
يجـيلها صـوت كـله مـوت ويئن له أنَّـة

والحـب لـه نـاس فى جنه وناس غلبانين


(10)


كان ياما كان فيه ملك لـكن مالوش أحـباب

عشـق رمى التاج وعاش العمر كله شـباب
فيه نـاس يقـولوا عليه مجنون وناس جاحد
وأنا اقول أبيع عمرى كله بيوم غرام واحـد

ده الحـب والحـق واحـد يا أولى الألبـاب






صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:24 am

أمر الله


حتى الرسـول مـات وأمر الله لا بد يكـون
بـس الفـراق صعب واحنا شعب قلبه حنون
وحـشـتنـا نـظرة عيـونك للبـلد يا جمال
والـحـزم والـعـزم فيـها وحـبها المكنون

وحـشـتـنا عـبـسـة جبينك وانت بتفكر
ونـبـرتـك وانـت بـتـعـلـمـنا وتفسر
وبـسـمـة الـود لـمـا تـواجـه الملايين
وقبـضـة الـيـد لـمـا تـدق ع المـنـبر

وقـبـضة الـيـد لـمـا تـلاطم الجرانيت
وتـرفـع السـد عـالى المجد عالى الصيت
وتـأدب النـيل وتـحـكم مـيـة الفيـضان
مـا تـعـدى نقطة سوى بالخـطة والتوقـيت


وبـقـيت أقـول: ميـة الفيـضان واحشانى
سبـتمـبر ازاى بـدونـها يكـون يا خلانى
يـا ويـلى مـن ده طلب وياريتنى ما اتمنيت
لـبى الـزمان منـيتى من دمـع أشجـانـى

وعـاد لسـبتـمـبر الفيـضان دمـع هتون
ينـصـب م القـلب ويهيم فى النسيم محزون
يمـيل نخيـل الرطب على بعضه بالهمسات
حتى الرسول .. مات .. وأمر الله لا بد يكون






صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:24 am

أرض مصرية


مـلــس بـخدك ع التراكيب الجلوجية
والـمـس بـيــدك كرمـشات الزمان
أحـجــار بـهـيـئـة مـيـه مغلـية
مـعـمـولـة هــى والا عـفـويـة؟
مـن عهـد آدم والا عـام الـطـوفان؟
تـرابـيزة بعد السكر قلبوها الخمورجية
مـالـت سـبـع طـبـقات على طبقات
والسـن بـارز فـى السـما طبــقات
شـامـخ شـمـوخ فـرعـون جرانيتى
حـالم فى بهو الأعـمدة من غير نفرتيتى
وف جـبـهــتـه الـحـيــــه ..
والـرخ بـيـقـدف بـأجـنحته الجسام
صــاعد يتــمم مشــهد التــتويج
انصـت بـودنـك تـسـمع الاهـازيج
مـن فـرقـة الـكـهـنة ذوى الاحترام
والرقاصات فى المعبد الملكى العتيد التليد
بيـطـوحوا سـاق الـمـرح فـى الهوا
وينـطـوا ع الامـشـاط بخـفة سـوا
ويـدخـل الـعـسـكـر بـأجمل نظام
والـجـنـرالات تـحت الرايات العظام
بيـثـبـتوها فـوق ربـى "سـيـنـة"
ويــــدقــــوا بــالأقــــدام

ســـــيـــــــنــــــة..
نـبــض وسـرى فيـكى يادى الزلطة
وح يـسـرى دايـما .. بس تشـبعى دم
شـكـلك كـمـثـل القلب ع الخـارطة
انـــش لله دايـماً يبـقى خـالى الهم!
يــاللـى بـكــــيـت يــامــا
وحـفـرت وديـان دمـع فـوق خـدك
مـلـس بـخـدك ع التراكيب الجلوجية
وانصت بودنك تسـتمع ترانيم حـماسية
مـمزوجـة مـن صـوت صندل الفتيات
عــــبـــر الــسـنــيـــن
مع ضباشات العسكريين لما أدوا الفرض
ويــدقــــــوا بالاقــــــدام
ويـطـلـع الصـوت من صميم الأرض
مـن مـــوضـع الحـمــم الإلهية ..
دى ارض مصرية ..
دى ارض مصرية ..




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:29 am

أغنية إلى ذكرى صديق


الشـعــر شـارد فى الجـبل منـى
عمـلـت انـا هجـان ورحـت وراه
قلـبـى دليـلـى يطيـر ويغــنـى
عصـفـور جـناحه بدمـه متـحنى
لَفِـفْـنى لففـنى الجـبـل ولا تــاه
تسفـى الرياح سبعـين صباح وصباح
قلـبـى دليـلى وانـتـا وراه سـواح
والشـعـر شـارد فـى الجبل منـى
حبـيت غـزال غنـيت لـه بالمـوال
صـد الغـزال سـاق الدلال أهــوال
حبـيت غـزال غنـيت له غنـيـوه
صـد الغـزال علـشان ما هو حليـوه

غنـيت له رصــد
هـجــر بقـصـد
غـنـيـت صـَبـا
جــافـى ونَـبــا
غـنـيت لـه بيّاتى

رقـاص أنـا وشـاعـر ونايـاتـى
وافـدى رفــاق الفـن بحـيـاتـى
وافـديـك يا نـجم اخضر يا بياتـى

أفــديـك أنـــا


يـا عنـدليـب ع المشنـقـه عِشِّـه
عـافـر مـع الجـلاد قـام هَـشّـه
علشـان يـروق الجــو لِفْـعـالـه
يقـتـل فـى ورد الحـب وِيْحِـشُّـه
صوتـك مـن البـلد البعـيد جـالـه
عَـدّى مـن الحـراس وعَــدّالــه
وكــأن يــد الـرب نـازلا لــه
تكـشـف نقـاب الغـش عن وشـه

أفــديــك أنــا


يـا عنـدليـب ع المشـنقه عشــه
خـارج فى يـوم العيـد وقلبى سعـيد
شفـت البنـات يتعاجـبوا فى الألوان
كأنـهم أغـانيـك يـا بـيـاتـــى
يابـو الأغـانى الزرقــا والخـضرا
وكـأن حلـمك بـان وآن لــه أوان
مديـت خيـالـى للعـراق .. لبعـيد
لابنـك "علـى" وهـاديـته بالونـه
كاتـب عليـها جمـيـع حـكـايتـى

كـان يـامـا كـان
مـلـك الـزمــان
كـان يـامـا كـان
ظـلــم وهــوان
إنـسـان جـعــان
كـان يـامـا كـان

وكـأن حـلـمـك بان وآن لـه أوان
الغنـوه زرقـا والكـلام بـجـنـاح
فتـحت انـا للشـمـس شبـاكــى
علـى قـاعـدة الشبـاك أنا تـاكـى
بيـن شفتـى وصوابعى نـاى نـواح
تسـفى الريح سبعـين صباح وصباح
قـلبـى دليـلـى وانـا وراه سـواح
والشـعـر شـارد فى الجـبل منـى




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:30 am

إلى اللقاء

بابلونـيرودا
إلى اللـقاء
قتلوك حقيقى
والا افتراء؟
الشعر طول عمره سكـة واحدة
وغـنوة واحـدة بـلا انـتهاء
تهنـينة واحـدة من غير ولادة
مرثـية واحـدة من غير بكاء
لحـظة سـعادة تَمَـْنها غـالى
بوشـكين يقـولك وابو العـلاء
الشعر طول عمره تهمة غامضة
وكـل شـاعـر ولـه جـزاء
ولـو يغـنـى للشـعب زيـك
يـبقـى مصيـبة وأُس البـلاء
يلـحق بلـوركا ويقابله لوركـا
هنـاك فـى مستـنقع الدمـاء
يمسح جراحه ويقول له قـل لى
فيـه لسـه فـى الدنـيا ادنياء؟
فيـه لسـه نـاس ماسكة بندقية
ومصـوبـاهـا للأبريـــاء؟
للحـب؟ للحـلـم؟ للحقيــقة؟
للصـدق ؟ للطـهر؟ للنــقاء؟
دمـاء كـمال نـاصر اللى لسه
طـراى وزى العـسـل صفاء
تنـطق تقـول ايوه لسه برضه
الضـلمة قـادرة عـلى الضياء
وقـادرة تقـتل بابـلونـيرودا
وألـف غـيـره م الشـعـراء
وأقـول أنـا
صحـيح .. ولكن الشعر متعـة
وأى متـعة زى العـطـــاء
بابلونيـرودا
إلى اللقــاء




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:35 am

الليلادى


الليلادى
كل أحبابى زارونى
طيف خيال كَحَّل عيونى
هام معاهم قلبى . سافر ودعاهم
محلا طعم السهد لما سهرونى
قلبى سافر ودعاهم .. م البوادى
من على روس الجبال .. من كل وادى
فى بلادى
اللى منها الشمس جايه
البلاد العربيه

الليلادى
زارنى فارس م الجزاير
طيف على جبينه قريت كلمة بطل
السلاح فى إيديه وفى عينيه الأمل
والشباب من قلبه فاير
قبل ما يرد السلام قال ح انتصر
انت منصور والسلام راح ينتشر
وح نبنى له مناير
والهنا ح يقول أنا جاى ف ميعادى
ليله تشبه لليلادى
فى بلادك وبلادى
اللى منها الشمس جايه
البلاد العربيه

الليلادى
زارنى من شعب العراق
طيف جميل .. علمنى إيه هو الفدا
بنت عم الشهداء
ماشيه فى الموكب بتهتف للحقيقة
جرحها وسامها .. وفى دموعها البريئة
كل دم الأبرياء
زارنى طيفها وابتسم لى بضحكة مرة
قلت بكره يكون لقانا ف أرض حرة
بعد أهوال الفراق
والهنا ح يقول أنا جاى ف ميعادى
ليله تشبه الليلادى
فى بلادك وبلادى
اللى منها الشمس جايه
البلاد العربية

الليلادى
من فلسطين جت لى نسمة
فيها من ريحة زهور البرتقان
فيها طيف إنسان واحشنى من زمان
جه وزارنى وقال لى كلمة
زى أجراس الكنيسة والأدان
احنا راجعين أرضنا .. آن الأوان
والشقا ح يدوب فى بسمه
والهنا ح يقول أنا جاى ف معادى
ليله تشبه لليلادى
فى بلادك وبلادى
اللى منها الشمس جايه
البلاد العربية

الليلادى
ياما سهرنى انشغالى
على أحبابى فى لبنان والجزيرة
فى السودان وف كل أوطاننا الكبيرة
كلهم كانوا فى بالى
قلبى قسمته عليهم كلهم
علشان ينشد لهم ويقول لهم
بكره تصفالنا الليالى

والليلادى
كل أحبابى زارونى طيف خيال كحل عيونى
هام خيال كحل عيونى
هام معاهم قلبى .. سافر ودعاهم
محلا طعم السهد لما سهرونى





صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:35 am

اللى جرى لجميلة

شـفـايفها لما تضحك
زى شفـايـف ثريـا
وعـيونها بالحواجـب
تـمام شـبـه سنـية
وشـعـرها المـموج
مـفروق من الشـمال
عـلى الموضة البناتى
زى عـروسة كـمال
وسـمـرا زى خضره
ورقـيقه زى سـوسن
والـورد فوق خدودها
صـلاة النـبى أحسن
والـصـورة بين إيدينا
مـع كـل حـى حبه
يـاخـدها يـطل فيها
حرام يا عينى .. شابه
واللـى مادريش يقولك
مالـها؟ جرى لـها إيه
ده اللـى جرى لجميله
مـا يـنسـكت علـيه

وجمـيله مـن الجزاير
بـلد البـحر الكبــير
بـلد ولاد عـمامــنا
فرســان الأسـاطير
اللـى زارعين رايتهم
ع القـمه مـرفرفــه
اللـى سايـبين بيوتهم
والـفـرش والـدفـا
علشان عاوزين يعيشوا
حـيـاة مُـشَـرِّفَــه
جمـيله واحـده منـهم
واحـده من شعب ثاير
بتـكـره المظـالــم
وبتـحـب الـجـزاير
وبتـحـب الأغــانى
وبتــحب العــماير
وبتــحب الجــناين
والـورد والعـــيال
واللـى جـرى لجميله
شـىء من ورا الخيال

تـجرى والدم نـازف
وتقول يا جرح جازف
اصـبر ده الوقت آزف
والـناس مستـنـظره
أوامـــر القــيادة
أحـبك يـا جــزاير
أكــثر مـن العـبادة
أجـرى كـمان شويه
خطـوة كـمان زيادة
وف كتـفها الرصاصة
وعضـام اتحـطمـت
تنـزف تنزف وتجرى
لـحـد مـا اتـرمت
وكـلاب الصيد جابوها
ومهـما يـعـذبـوها
ومهـما يـصلـبـوها
ومـهما يضـربـوها
ومـهما اتـألـمــت
أبـداً مـا سـلّـمـت
ومـهما يغـصــبوها
أبـداً مـا اتـكلـمت
يـا حسـره ع الشباب
بيـن أنـيـاب الكلاب
كتـبوا العـذاب عليها
بـدال كـتـب الكتاب
والدنـيا تروح وتيجى
جـوه عيـون البنـيه
اللى ف صورتها بانت
شـبه عيـون سـنـيه
وتبـهـت الشـفايـف
الضـحـاكه الشهـيه
اللى ف صورتها بانت
زى شـفـايف ثـريا
وشـعـرهـا المموج
اللى ف صورتها سال
مـن فـرق ع الشمال
زى عـروسـة كمال
معـجـون بـدمــها
حـبـة عيـن أمــها
حـبـة عيـن النضال
واللـى جـرى لجميله
مـا تـحمـله الجـبال

وتـر من الكـمنـجه
وتـر واحـد وحـيـد
نـوَّح عـشان جمـيله
فـى أول النـشـيـد
والأوتـار اللـى باقية
صرخت من غير دموع
وامـتـدت م الكمـنجه
لحـناجـر الجـمـوع
عـلى بـاب المحكمة
والعـالم كـله واقـف
عـلى بـاب المحكمة
بيغـنى غنـوة واحدة
راعــدة ومـدمـدمه
تـزلـزل السـمــا
وقـضـاة المحـكـمة
العصـبـة المجـرمة
بـقـلـوب مطلـسمة
وعـلى عينـيـهم غما
وفـى إيـديـهم دمـا
بيسـمـعوا الأغـانى
وهُمّا فـى وادى تـانى
وإيـش تعـمل المعانى
فـى عقـول مضـَلِّمة

طـول اللـيل السجانة
بيـسِـنّوا المقـصـلة
وجمـيـله فى الزنزانه
سامـعه ومسـتحـملة
طـول اللـيل المعارك
دايرة ف حضن الجبل
وجمـيله فـى المهالك
عايـشـه عـلى الأمل
أمــل أمــل أمـل
اتـقـدم يـا بـطـل
تـبِّـت فـى البنـدقية
خـلى النـار تشـتعل
ده اللـى جرى لجميله
مـالـوش غير العمل




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:36 am

الموتى


فى صفحة الموتى
بيكلمونى كل يوم الصبح
بصورهم الباهتة
بعيونهم الثابتة
بيسألونى كلهم إمتى
ح تنطبع صورتك كمان
انتا ..
هنا زينا فى صفحة الموتى ؟

حبايبنا يا غاليين
محناش ح نتأخر
الدور ح ييجى والمصير محتوم
ياللى صورتها بطرحة الزفة
ده حكم من قبل الوجود محكوم
يا اتنين عجايز: حاج، ومقدس
صورتين بلاسة والجبين مهموم
يا مغترب
يا صورة طالعة من جواز السفر
يا رسم على وش التابوت مرسوم
فى حفاير الفيوم ...


وحفاير الفيوم جبانة م الزمن العتيق
مشهورة بالصناديق
وعليها بالالوان صور مخاليق
كاهن .. مراكبى .. ست بيت .. تاجر..
بنية حلوة .. عسكرى .. شاعر ..
صور بشر أيامهم انحسرت
مداينهم انـدثرت
توابيتهم انكسرت ..
مافضلش منها غير وشوش
بيبصوا نفس البصّة
وبيحكوا نفس القصة
مستغرقين فى الموت بلا غُصة
وفى الخلود رايحين ..
زى اللى فى الجرنال
فى صفحة الموتى
قلت الشبه من أين يتأتى ؟
قالوا عشان الكل مصريين.

الكل مصريين
الكل نفس الهوية
نعى المطارنة جنب نعى الشيوخ
طالبين سوا الرحمة الالهية
طالعين سوا أمجاد سماوية
فى وحدة أبدية
ما تعرف الطايفة المسيحية
م الاسلامية ..
تشهد صورهم جنب بعضيهم
فى الأعمدة السودة البكائية
بإن دى .. هيا ديا .

باحكى عن الموتى وملك الموت
يحصد امم وِيْدَرِّى فى الملكوت
يقعوا كندف التلج غير مسموعين
أو كالجبال يقعوا بأرعبها صوت

باحكى عن الموتى فى شتى العصور
وباقول عليهم ألف رحمة ونور
مش باحكى ابدا عن أمل دنقل
لأنه عايش رغم سكنى القبور

وقالوا فى الأمثال .. اللى خلف ما ماتش
وعن أمل يتقال .. اللى ألف ما مـاتش
وسلام على اللى فى صـفحة المـوتى
وسـلام على اللى فى صـفحة الاحياء




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:36 am

المقابر

بـاحـب المـقــابـر، وامــوت فـى الـتـراب
هـنـاك، زى حـى الـغُـناى فى الهـدوء الجمـيل
هـنـاك زى شـط البـحـور، فى النسـيم العلـيل،
هنـاك الـعـجـب.
هناك تمشى تسمع لرجلك دبيب عالى يرضى الغرور،
هناك كله راقـد، مفيش غيرك انت اللى واقف فخور،
وأمـا الـزهــور،
هناك بالمقاطف على الأرض، يا مَسروقة يا بتحتضر،
تجيب أدوات العطور،
وتـصنـعها عطـر اسـمه مثـلا: عبـير العـِبَـر!
تبيعه، وتكسب دهب.
وتـدهـس عـلى العـضم، وتقـول كـلام فلسـفة،
وتـمـلا كـتــب.
ده غـيـر الثـواب اللـى تـقـدر كـمان تكـسبه،
من الفاتحة ع الميتين.
فمـنـها عبـاده، ومنـها اسـتـفـادة، ومنـها أدب،
لـهـذا السـبـب،
باحب المقابر … لكين،
بـعقـلى الرزيـن،
بأحب البيوت، واللى فيهم، زيادة






صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:37 am

المرافعة

حلـمت الليـلادى، بإنـى فـى موقـف رهيب،
بأقـول، والكـلام مـنـى طـالـع نحـيب …
سيـادى القضـاه،
دفاعـى بسـيـط.
كـلامـى مـاهواش غـويط، وماهواش عبـيط
بـسـيــــط،
بسـاطـة هـدوم الغـلابـا الفـقـارى الحُفاه
بـسـيـط، زى اسـم صديق على شفة صديق
بـســيـــط زى دمـعـــة بـــرىء،
بـسـيـط زى وحـش جـعـان فـى الفـلاه،
بسيط زى حفنة دقيق.
سيـادى القضـاه، يا ذمم يا همم يا قمم ياعتاه،
دفــاعى قـــوى.
قــــوى، زى صــــرخة غـريــق،
بيـنده لـقارب نـجاه بيـنده بآخر قواه، للحياه
دفــاعى قــوى زى دِقْــمـاق حـديــد،
قوى زى نظرة وعيد،
قوى زى تمـثال اله،
قوى زى بلطة رجال الحريق فوق بيبان الحريق
سـيادى القضــاه،
سيــادى الكـرام العـظـام الفـخـام العلاه،
دفــاعى مؤيــد،
مــؤيــد بـكــل الكــلام الـعـظـيـم،
بـتـواره، بـإنـجـيـل، بـمـزامـير داود،
بـقـرآن كـريـم.
دفـاعى مؤيد بكل أنين الكمنجات فى كل الوجود
بكل حفيف النسـيم.
بتهْنـيـنة الأمـهـات للـعـيـال فـى المهود،
بصـوت القُـبـل،
وكـــل ابــتسامــة بــحق وحقــيق،
تـؤيـد دفــاعى.
وبـارفـع صباعى الضعـيف وباقول كلمتى …

سـيادى القضـاه،
سيـادى الحـدادى اللـى حايـمة عـلى رمَتى،
ح اقـول كلمـتى.
لكـيـن قبـل مـا انـطـق واقـول كلمتى …
قـولولى انتـوا ..
إيـه تهمـتى .. ؟؟





صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:40 am

المطبعة


يـا مطـبعة
يـا معـبد الديمـقراطـيـة العظـيم
على مذبـحك
قتلوا ابراهيم وكان خسارة ابراهـيم*

هجموا الوحوش
قـتلـوا الورق واللـى عليه من كلام
بالرشـاشـات
قتـلوا المحـابـر نكـلوا بالـقـلام


مـا يهمـناش
الـفكـر عـايـش فى صمـيم الفؤاد
والمـطبـعة
لـسـاهـا دايـرة بكبـرياء وبعـناد


نـزل الجدع
مـامعـاهش غير قلبه بينبض شغوف
صحفى أصيل
أعـزل يـدافع عن صفوف الحروف


يـا ميت ندم
اتـفـجـرت فيه الحـروف العـزاز
فـارت لهيب
طـاشـت رذاذ واتـحولت سم غـاز


آه يـا صديق
بـاللى ماعدناش تانى نسمع له صوت
احـنا كـده
مانموتش غير م اللى احنا بنحبه موت

* ابراهيم عامر الصحفى المصرى .. قتل فى حرب لبنان .. بقنبلة ألقيت أثناء وجوده فى مطبعة احدى الصحف .. توفى من استنشاق بخار الرصاص




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:40 am

الأمير


المجد للجندى اللى من غير لبس حرب
الفـارس اللى مـش على صهوة جواد
الراجل الغلبان فى روحه وعيشته كرب
لكـن أمـير عـاشق بروحه ودمه جاد

عـاشق بروحـه ودمه جاد وكان أمير
وكـان ولـى العـهد فى الكـون الكبير
الصولـجان مكـتوب بإسمه فى الديوان
والوحـوش والغـزلان بإسـمه تستجير
والنـحل والعـصافير تجـيله تكـلـمه
أنـبل أمـير أساطـير خـيالك يرسمه
السـحارين سـحروه صبح عتال فقير
شـيل الحـمول يحنـيه ويوشك يهدمه
عتال فقير فى السوق يسير محنى البدن
حكـموا علـيه يفضل كده طول الزمن
لحـد مـا ف يـوم دق باب قلبه الهوى
وكـان هواه وغرام صباه هو الوطـن
لما انضرب بالنار على المتاريس ومات
بـصديرى بلدى وبقمـيص مربـعـات
مـالت علـيه الحـلوة بلـده ودمـعت
والدمـع زى الـدم يعـمل معـجزات
الدمـع فـك السـحر والأمـر اتـضح
وعـرفنا مـين هو الطريح اللى انطرح
وفـوق جبـينه اللى بقى ف وش السما
زالـت خـطوط الهـم وارتسم المـرح




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:41 am

الذئب والحمل

كـان يـاما كان، يحكـوا زمـان دى الحكاية ..
إن الـحـمـل – يعنـى الخـروف الطـفـل –
وقــف فـى يـوم يـشـرب مـن الـغـديـر
- يعنى القنـاية -
والـغـابـة خـضرا والطيور بتغنى من حواليه،
الذئب – يعـنى الديـب – عـوى من فوق عليه،
قـال لـه: يـا مخـــلـوق يـا حـقـــيـر
عـكـرت لــى الـمـيــه وانـا بـاشـرب
لابـد مـن أكـلـك جـــزاء لـعـمـلـتـك!
رد الحـمـل،
قـال لـه: لـكـيـن دى الـميه جاية من حداك،
من فوق هنـاك.
قـال لـه: مابتكلمش عن دلوقتى، عامْنَوِّل حصل.
عـكـرت لـى عـامـْنَـوِّل المية وأنا باشرب،
لابد من أكـلك !
- أنا عمرى ست شهور، وعامنول ماكنتش اتولدت
- عـمرك مـا عـمـركـش، بـلاش كلام ولَتْ،
يـبـقى أبـــوك هــو اللــى عـكـرهـا.
أيوه تمام .. هو أبوك.
لا بـد من أكـلـك.
والـغـابـة رنــت بالانـيـن والـمـضـغ،
والـعـشــب بـات بـالــدم مـتـحـنــى
وفـى الـصـبـاح نـزل الـنـدى غـسـلـه
والـغـابـة خـضـرا، والـعـصـافـير بتغنى
ده كان زمــان ..
لـكـن يـا حـلـو الـديــب لـو اتـهـبـل
لـيّـام دى ، واتـرازل عـــلـى الـحـمـل.
لا ح يـبـقـى فـيـه حـمـلان، ولا ديـابه،
مـعـلـوم!
ولا حــتـبـقـى مـديـنـة ولا غـابـــة،
لكن خـرابه،
وحتى مافيهاش بوم




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:45 am

الشاى باللبن


أربـع إيـديـن عـلى الفـطــار
أربـع شـفايف يشربوا الشاى باللبن
ويـبوسوا بعض ويحضنوا نور النهار
بـين صدرها وصدره وبين البسمتين
ويحـضنـوا الحب اللى جمعهم سـوا
على الفطـار
ويحـضنوا الشمس اللى بتهز السـتار
وتـخش من بـين الخيوط وبعضـها
مع الهــوا
للأودة تـرسم نفسـها عـلى أرضها
عـلى البساط اللى اشتروه مع الجهاز
على الغرام اللى اشتروه من غير تمن
وعلى القـزاز
ويـشربـوا الشــاى باللــبــن
فى فنجالـين
عــلى الفـطار أربــع إيـديـن
ودبلتـــين
بيـصـحُّوا قـلبى كل ليلة فى المنام
وبـيكتـبولى بـلـون منَـور فزدقى
على الهـوا الاسود وع الجفن اللى نام
كلمة "سلام"

* أغسطس 1952




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

رد: موسوعة أشعار صلاح جاهين

مُساهمة من طرف سامح عسكر في الخميس سبتمبر 22, 2011 11:45 am

العرس


النيل رجع زاد، وعاد، من غير معاد مرسـوم،
كيف ابن شداد، ما طـب ف يـوم يحوم ويزوم،
مطـهوم، ينـادى: يا عبـلة، ومـهرك المعلوم
حاضـر، وفوق مـنه عُقد من النجوم ملضوم ..

يـامْ الضـفاير ألـوف، ملهوف أنـا ومحروم،
يا تـمره سـمرا، يا جـمره حمرا، خلف غيوم،
لجـلك يـا حـلوة شـربـت المُـر والزقـوم،
وصبرت، وكـبرت،وانحـفرت فى وشى هموم،
العـرس دقـت طبـوله يقـولوا: هـب وقـوم!
هبّـيت ولبـيت، وعـريت صـدرى للمـقسوم،
أخو البنات .. هات . وهات جروحات ودم يعوم،
وان قلت: آه، تحـت كربـاجك، يا عيب الشوم،
ما يقولها فـارس وحارس ع الديـار، وكـتوم،

والنـيل شَلَبْ دم، كيـف عنتر فى حرب الروم؟
وفـاض وخاض فى البرارى، كالقضا المحتوم ..
فايت علينا، وصـامت، صـمت مـاله لـزوم،
زايـد سـمار، والشـرار يـقدح فى أمواجـه،
سألـته: مـالك يا نيل؟.. قال جاى م "الخرطوم




صفحتي على الفيس بوك

الحرية هي مطلب العُقلاء..ولكن من يجعل نفسه أسيراً لردود أفعال الآخرين فهو ليس حُرّاً....إصنع الهدف بنفسك ولا تنتظر عطف وشفقة الناس عليك..ولو كنت قويا ستنجح....سامح عسكر



avatar
سامح عسكر
المدير العام
المدير العام


الديانه : الاسلام
البلد : مصر
ذكر
عدد المساهمات : 13486
نقاط : 25134
السٌّمعَة : 23
العمر : 38
مثقف

http://azhar.forumegypt.net/

الرجوع الى أعلى الصفحة اذهب الى الأسفل

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى