الجنين ضعيف وعندي ألم في جنبي الشمال وأسفل الرحم

السلام عليكم دكتور سامح
أنا ام عبدالرحمن واول كشف ليا أول مرة والدكتور ة بتقوللي ان الجنين عنده شهرين إلا أسبوع، ووضع الرحم يدي لطفل عنده 3 شهور، لكن وضع الجنين يدي شهرين إلا أسبوع، ضعيف جدا جدا، وبتقول إن يوم الخميس الجاي لو وزن الجنين لم يزيد يبقي لازم ينزل.
وعندي ألم أسفل الرحم وألم جامد في جنبي الشمال وفيه صديد علي الكلي، وبتقوللي إشربي شعير.

يرد الدكتور سامح الجرجاوي

اهلا بيكى معانا صديقتى الكريمة اولا بس يا ريت اعرف هل دا اول حمل ليكى ولا سبق ليكى حمل قبل كدا .. و امتى كانت اخر دورة عندك و هل الجنين فية نبض و حالتة كويسة ولا مفيهوش نبض لسة ارجو الرد و ان شاءالله اطمنك بالخير خالص تحياتى

ترد السائلة

دكتور سامح دا رابع حمل ليا، وآخر دورة عندي كانت 20 /8 والجنين فيه نبض لكن هو ضعيف جدا

يجيب الدكتور سامح

صديقتى الكريمة مع تكرار الحمل الرحم بياخد حجم اكبر وذلك شىء طبيعى جدا و مش معناة انة الرحم كبير او الجنين صغير و المفروض دلوقتى عمر الحمل بتاع حضرتك يكون حوالى ال8 اسابيع و ايام و دا نفس العمر اللى انتى قلتية تماما فرجاء لا داعى للقلق علىالاطلاق .. انا شايف انة من المعلومات اللى قلتيها انتى حملك طبيعى تماما و مفيش اى سبب للقلق