سؤال حول ارتفاع الضغط ووجود حكة مع وجود حمل

السؤال

ازيك يا دكتور وكيف حالك؟يارب تكون بخير..عارفة انى ممله بس معلش انت طبيبى بقى..هسالك سؤالين بس والله..الاول الدكتور طلب منى قياس الضغط يوميا لمدة اسبوع وانا بقالى يومين اروح اقيسه اول مرة يبقى 150/90 يقولولى استنى 10دقايق الاقية بقى 120 او130 على 90..دا عادى ولا ايه؟؟تانى حاجة ودى الاهم..انا الفترة دى ف حكة ف كل جسمى بطريقة صعبة جدا دى حساسية ولا ايه؟واهم حاجة هى ليها تاثير ع البيبى ولا اعمل ايه؟؟جزاك الله خير على كل معلومه تطمن بيها قلب كل بنى ادم..الف شكرر

يجيب الدكتور سامح ندا

صديقتى الكريمة المفروض لما نيجى نقيس الضغط متكونيش جاية من مشوار ولا عاملة مجهود لازم تكونى مريحة من 10 الى 20 جدقيقة قبلها علشان كدا القياس التانى صح و متقلقيش انتى تمام اوى كدا .. اما بخصوص موضوع الحساسية فدى حساسية حمل خدى مضادات للحساسية علشان تخففها و كمان تجنبى استعمال الملابس اللى فيها الياف او العرق او استعمال المنظفات و الكيماويات لانها بتساعد على ظهور الحساسية خالص تحياتى و تابعينى ديمن باخبارك