زمن الفووسه انتهى

من طرف **جمال باشا** السبت يناير 26, 2013 9:22 pm

شعر جمال الزغبى

جمال باشا

زمن الفروسه انتهى

قالوا الكلام ده خطأ
قلت الكلام ده أكيد
معدشى نخوة عرب
ومعدشى عزم حديد
أحسن طريقه الهرب
م القوه والتهديد
زمن الفروسه انتهى
ومعدشى ( ابن وليد )
معدشى الا امريكا
واحنا الرعايا عبيد
والعمر طفل اتولد
مولوده لسه جديد
كبرت علينا البلد
بفلوسنا والتهليب
والنهب والتخريب

كل اللى اتملى كرشه
وفاض عليه قرشه
رايح يعينه بعيد
كان ماله بنك العرب
كان ماله يعلى يزيد
ناخد وندى لبعضنا
كل اللى فايض عندنا
ولا حد يبقى قدنا
والكل يسمع عننا
وإدينا تبقى الف ايد
يبقى لنا كلمه ف البلاد
ونبقى اقوى م الزناد
ونرجع الزمن المجيد