أنا حامل في الشهر السابع وعندي انقباضات جامدة وقلقانة أوي

السلام عليكم يادكتور انا حامل في السابع وكان عندي انقباضات جامده من اول الرابع اخدت برونتوجيست 200 بس الانقباض زاد الشهر الخامس الدكتوره زودت الجرعه ل 400 ويوتوبار نص واحده ثلاث مرات في اليوم وبعدين من بداية السادس الحمدالله الانتقباضات قلت والجرعه قلت ل 200 ومرتين في اليوم لليوتوبار والدكتوره قالتلي لازم امشي على الجرعه دي شهر كمان ويمكن اكرر الجرعه في الثامن عشان قالتلي ان الانقباضات دي ممكن تخليني اولد في السابع او التامن فاانا خايفه من كتر العلاج اللي باخده ياريت حضرتك تطمني يادكتور

يجيب الدكتور سامح ندا

صديقتى الكريمة اهلا بيكى الادوية اللى قلتى عليها البرونتوجست و اليوتوبار مفيش منها اطلاقا خطر على الحمل و يا ريت تستمرى عليها بنفس الجرعة لانة من كلامك انتى بتعانى من اضطرابات رحمية و ممكن كمان نزود الجرعة اذا لا قدر الله فى اى وقت زادت الاعراض لكن مفيش داعى للقلق اطلاقا الموضوع بسيط و متكرر عند حوامل كتير و بيستجيب كويس جدا للعلاج و ان شاءالله تكملى للشهر التاسع على خير خالص تحياتى